Leksplozyon Lafanmir - Lafanmir Zelia i lans en nouvo albonm

18-August-2016

 

http://nation.sc/images/2016/Aug/LEKSPLOSYON%20LA%20FANMIR%20COVER%20FINAL%202.jpg

 

Santer popiler Amede Zelia, ansanm avek son madanm Mercia Zelia, son fiy Medline Zelia ek son zann Rockman, fek lans en nouvo albonm avek tit ‘Leksplozyon Lafanmir’.

Sa nouvo konpilasyon 10 sanson i enkli lanmizik sega, rege, zouk, regetonn ek dance hall.

Amede in dir ki sa bann sanson i baze lo sa ki nou vwar toulezour e sa ki nou tande toulezour dan Sesel.

«Mesaz sa albonm i lo lavi toulezour, lanmour, soufrans. Sak sanson i annan son prop mesaz, fodre ekoute pour zot konpran,» i ti dir.

Lafanmir Zelia i lo lasenn lanmizik depi enpe letan e zot in fer sorti de trwa albonm solo avan regroupe pour fer ‘Leksplozyon Lafanmir’.

Lafanmir Zelia in osi demann son bann fans pour kontinyen siport zot e aste zot nouvo albonm e met li dan zot koleksyon.

«Remersiman i al pour Bondye li menm, Extra Big, Magnificent pour fer sa travay solid, e pour tou nou bann fans nou dir zot met enn dan zot koleksyon.»

Sa albonm, ki kout R125 roupi, i anvant kot Ray’s Music Room, Kot Do e osi lo Praslin. Par kont si ou aste en kopi avek lafanmir Zelia, ou pou pey selman R100.

 

Source: NATION 8-18-16

 

 

 

 

 

 

<